Putin Zelenski ilə görüş təklifinə "yox" dedi

  15 Noyabr 2019    Oxunub : 1596
 Putin Zelenski ilə görüş təklifinə "yox" dedi
Rusiya Prezidenti Vladimir Putin "Normand dördlüyü" sammitindən əvvəl Ukrayna lideri Vladimir Zelenski ilə görüşmək niyyətində olmadığını bildirib.

Azvision.az REN TV-yə istinadən xəbər verir ki, bu barədə Putin Braziliyada BRICS sammitinin başa çatması ilə əlaqədar keçirilən mətbuat konfransında bildirib.
Onun sözlərinə görə, danışıqlar nəticəsiz qala bilər. Nə Zelenski, nə də özü bunda maraqlı deyil.

"Biz hansısa nəticələr çıxarmalıyıq. Zelenski ilə telefonla danışırıq, amma bəzi həll yollarını tapmalıyıq", - deyə Rusiya Prezidenti əlavə edib.

Putin deyib ki, "Normand formatı" çərçivəsində görüş mümkündür. Hazırda başqa bir mexanizm yoxdur, buna görə də Rusiya bu variantın qorunub saxlanılmasının tərəfdarıdır.

Qeyd edək ki, daha əvvəl Qazaxıstanın birinci Prezidenti Nursultan Nazarbayev Putin-Zelenski görüşünün təşkili ilə bağlı təklif irəli sürmüşdü.

Pərvanə Sultanova
Azvision.az

Teqlər: Putin   Zelenski