Rusiyalı ekspert: “Njdeyə abidə qoyanlara cinayət işi açılmalıdır”

  13 Noyabr 2019    Oxunub : 1511
 Rusiyalı ekspert: “Njdeyə abidə qoyanlara cinayət işi açılmalıdır”
Rusiya Qareqin Njde daxil olmaqla nasistləri qəhrəmanlaşdıran bütün obyektlərdən təmizlənməlidir.

Azvision.az xəbər verir ki, bunu Rusiyanın hərbi eksperti, “Milli Müdafiə” jurnalının baş redaktoru İqor Korotçenko Armavirdə nasist ortağı Njdenin xatirə lövhəsinin məhvinə dair fikirləri şərh edərkən bildirib.
Onun sözlərinə görə, faşist cinayətkarların qəhrəmanlaşdırılması qətiyyən yolverilməzdir: “General Vlasov milli xəyanətkar hesab olunur, o, damğalıdır. Njde buna bənzər fiqurdur. Əgər Vlasov xainlər ordusu hazırlayırdısa, Njde Qırmızı orduya qarşı diversant qrupları, SSRİ-nin dinc vətəndaşlarına qarşı dəmir yolu nəqliyyatında və strateji obyektlərdə təxribatlar hazırlayırdı.

Müasir beynəlxalq hüquq normaları baxımından Njde, onun fəaliyyəti beynəlxalq terrorizm kimi təsnif edilir . O, faşistlərlə işbiriliyində olub, onlarla əməkdaşlıq edib".

Ekspertin fikrincə, Armavir səlahiyyətlilərinin nədənsə bu problemə göz yumması təəccüblü görünür.

"Biz Baltikyanı ölkələrdə nasistliyin təzahürünü qınayırıq, nasist ortaqlarının qəhrəmanlaşdırılmasına qarşı çıxırıq, ancaq Rusiyada oxşar hadisələr baş verir ki, bu faktlar tamamilə yolverilməzdir. Bu lövhə sökülməlidir. Onu quraşdıranlar barəsində “Faşizmin, Hitlerin rəmzlərinin təbliğatı” maddəsi ilə cinayət işi açılmalıdır. Böyük Qələbənin 75 illiyi ərəfəsində Rusiya ərazisi bu cür abidələrdən, xatirə lövhələrindən tamamilə təmizlənməlidir.

Bununla əlaqədar olaraq, səlahiyyətli şəxslərin, prokurorluğun və İstintaq Komitəsinin dərhal reaksiyası lazımdır. Biz niyə susmalıyıq? Rusiyanın ərazisi və Rusiyanın nüfuzu bizim problemimizdir, Ermənistanın problemi deyil. Buna qarşı cavab tədbirləri olmalı, faşist cinayətkarlarını qəhrəmanlaşdıran insanlar mühakimə edilməlidir”.

Pərvanə Sultanova
Azvision.az

Teqlər: İqorKorotçenko