Paşinyan etiraz edən əsgər analarından vaxt istədi

  17 Oktyabr 2019    Oxunub : 1550
Paşinyan etiraz edən əsgər analarından vaxt istədi
Ermənistanın baş naziri Nikol Paşinyan ölən hərbi qulluqçuların anaları və dul qadınları ilə görüşdə yenidən təzminat məsələsi ilə bağlı onlara müsbət cavab verməyib.

Azvision.az “Sputnik-Ermənistan”a istinadla xəbər verir ki, Paşinyan onlardan il yarım vaxt istəyib.
Xatırladaq ki, ay ərzində qadınlar təzminat ödənilməsi ilə əlaqədar bir neçə dəfə etiraz aksiyası keçiriblər. Onlar 1 mart 2008-ci il hadisələri zamanı ölənlərin ailələrinə hökumət tərəfindən ayrılmış 30 min dram (6 min dollara yaxın) kompensasiyanı əsas gətirərək, bu tələblə çıxış ediblər.

Paşinyanla görüşdə yas paltarında olan səkkiz qadından yalnız biri “Əsgər” insan hüquqları təşkilatının koordinasiya şurasının sədri Marqarita Xaçatryan çıxış edib. O deyib ki, 1 mart hadisələrinin qurbanları ilə digər ölmüş hərbçilərin ailələrinə fərqli yanaşmanın olması ədalətsizlikdir.

"İnqilab oldu, indi ölkədə pul var. Tələbimizin mahiyyəti hər kəsə bərabər miqdarda vəsait ayrılmasıdır", - Xaçatryan deyib.

Paşinyan isə məsələnin həll edəcəyini deməklə, onlardan il yarım vaxt istəyib.

P.Sultanova
Azvision.az

Teqlər: Ermənistan   Paşinyan   Etiraz   Əsgər