Pompeodan İrana qarşı yeni ittiham
"İranın xarici işlər naziri Məhəmməd Cavad Zərifin Böyük Britaniyaya "Adrian Dərya 1"in Suriyaya yanacaq daşımayacağına dair söz verməsinə baxmayaraq, hazırda Suriya sahillərindən yanacaq boşaldır. Bu neft Suriyaya çatdırılırsa, dünya İrandan cavab tələb edəcəkmi?",- deyə Pompeo bildirib.
Pompeo bununla bağlı peyk vasitəsilə çəkilmiş fotonu paylaşıb. Qeyd olunub ki, orada iki gəmi var, biri “Adrian Dərya" adını daşıyır. Gəmilərin Suriyanın Banyas şəhərindəki neft emalı zavodunun olduğu liman bölgəsində yerləşdirildiyi görünür.
Şahanə Rəhimli
Azvision.az