ABŞ-la Rusiya arasında viza qalmaqalı böyüyür
"Asimmetrik cavab da bir variantdır: biz bundan sonra bu barədə düşünməyə davam edəcəyik, amma indi əlbəttə, ABŞ-ın BMT-yə münasibətdə nələr edəcəyi ilə bağlı çox narahat bir çağırış səslənib",- deyə Ryabkov bildirib.
O vurğulayıb ki, bu, sadəcə Rusiya nümayəndələrinə qarşı təxribat deyil, Amerika tərəfinin BMT-yə etinasızlığının nümayişidir.
Ryabkovun sözlərinə görə, ABŞ vizanın verilməsində qəsdən çətinlik yaradır. Rusiya isə Amerikanı "güc mövqeyindən danışmaq" cəhdindən çəkindirməyə çalışır və danışıqlara gəlməyə səsləyir.
Şahanə Rəhimli
Azvision.az