Ərdoğan Putindən əvvəl Ruhani ilə görüşdü - FOTO

  16 Sentyabr 2019    Oxunub : 1164
Ərdoğan Putindən əvvəl Ruhani ilə görüşdü - FOTO
Türkiyə prezidenti Rəcəb Tayyib Ərdoğan iranlı həmkarı Həsən Ruhani ilə görüşüb.
Azvision.az xəbər verir ki, bu barədə Türkiyə Prezident Administrasiyasından məlumat verilib. Bildirilib ki, prezidentlərin görüşü paytaxt Ankarada baş tutub.

"Prezidentimiz Çankaya sarayında üçtərəfli sammitdə iştirak etmək üçün Ankarada olan İran prezidenti Həsən Ruhani ilə görüş keçirib", - deyə məlumatda bildirilib.



Qeyd edək ki, Rusiya prezidenti Vladimir Putin də bu gün Ankaraya gedərək orada Suriya ilə bağlı üçtərəfli sammitdə iştirak edəcək. Zirvə görüşündə Türkiyə, Rusiya və İran liderləri bir sıra aktual beynəlxalq mövzuları və ikitərəfli əməkdaşlığa dair məsələləri müzakirə edəcəklər.

Şahanə Rəhimli
Azvision.az

Teqlər: Türkiyə   Rusiya   İran