“Bu iş tarix kitablarına düşəcək” - Koçaryan hakim qarşısında
Azvision.az erməni KİV-lərinə istinadən xəbər verir ki, bu gün keçirilən məhkəmə prosesində çıxış edən Koçaryan hesab edir ki, barəsində açılan cinayət işi siyasi sifarişdir.
Koçaryanın sözlərinə görə, bu, Ermənistan tarixində “ən biabırçı” cinayət işidir: "Bu iş tarix kitablarına düşəcək. O, özünün müsbət və mənfi qəhrəmanlarını ayırd edəcək. Orada mənfi qəhrəmanın kimliyi ilə bağl məndə şübhə yoxdur. Siz bu tarixdə daha bir səhifə yazan adamsınız. Bu səhifənin necə olması sizdən asılıdır" , - deyə Koçaryan hakim Anna Danibekyana müraciətində qeyd edib.
Şahanə Rəhimli
Azvision.az