Qeyd olunub ki, 12 yaşlı Xesus Ramos əhalinin yoxsul təbəqəsinin sağlamlığına və təhsil sahəsində müxtəlif xidmət və imkanlarla təmin edilməsinə yönələn “Birlikdə Peru” sosial proqramı çərçivəsində nazir seçilib.



Belə ki, proqram həyata keçirilərkən kasıb ailələrin uşaqlarının yeni il diləkləri də qeyd alınıb. Perunun cənub-şərqində, Titikaka gölünün sahilindəki Puno şəhərində yaşayan Xesus Ramos arzu edib ki, çətin həyat şəraitində yaşayan uşaqlara kömək etmək istəyərdi. Perunun inkişaf və sosial inteqrasiya naziri Liliana La Rosa 12 yaşlı uşağı paytaxta gələrək bir günlük nazir olmağa dəvət edib.



Xesus Ramosun nazir vəzifəsinə təyin olunarkən “rəsmi” andiçmə mərasimində anası və “Birlikdə Peru” sosial proqramında iştirak edən digər uşaqlar qatılıblar. Liliana La Rosa bildirib ki, bir günlük nazir təyin olunmasına baxmayaraq, 12 yaşlı Ramosun iş qrafiki olduqca sıxdır və o, nazirlik rəhbərliyi ilə bir sıra iclaslara qatılacaq.



Qeyd edək ki, 2017-ci ildə Peruda yoxsulların sayı 375 min nəfər (21,7%) artaraq 6 milyon 906 min nəfər təşkil edib. Müqayisə üçün deyək ki, Peru əhalisinin ümumi sayı 32,17 milyon insandır və ölkədə yoxsulluğun səviyyəsi 18 faizdir.


Leyla Elbrusqızı
Azvision.az