İndoneziyada ölənlərin sayı 2000-i keçib
İdarənin mətbuat katibi Sutopo Purvo Nuqroho bildirib ki, artıq hökumət Palu şəhərinin Petobo, Balaroa və Cono Oqe rayonlarında axtarış-xilasetmə əməliyyatlarını dayandıracaq.
Qeyd olunub ki, zəlzələ nəticəsində 2500-dən çox insan yaralanıb, min nəfərə yaxını itkin düşüb. Qeyri-rəsmi rəqəmlərə görə isə, 5000-nə yaxın insan itkin düşərək dağıntılar və torpaq altında qalıblar. 200 min insanın humanitar yardıma ehtiyacı var.
Xatırladaq ki, 28 sentyabrda Sulavesi adasının Palu şəhərində 7,5 bal gücündə zəlzələ baş verib və yeraltı təkanlar nəticəsində 6 metr hündürlüyündə sunami yaranıb. Fəlakət nəticəsində şəhərin böyük hissəsi demək olar ki, yuyulub və minlərlə insan dağıntılar altınla qalıb. Zəlzədən sonra indiyədək daha 508 yeraltı təkan qeydə alınıb.
İndoneziya hökuməti epidemiyaların yayılmasının qarşısını almaq üçün Palu təpəsi yaxınlığındakı ərazidə 1300-dən çox qurbanı dəfn etmək məqsədilə kütləvi məzar hazırlanması barədə könüllülərə təlimat verib. Həmçinin, təbii fəlakət nəticələrinin aradan qaldırılması üçün büdcədən 5 milyon dollar ayrılıb.
Leyla Elbrusqızı
AzVision.az
Teqlər: İndoneziya Sunami