AzVision.az Suriyanın SANA dövlət agentliyinə istinadən xəbər verir ki, Əsbar avqustun 5-də Hama əyalətindəki Masyaf kəndində partlayıcı qurğunun maşınını hədəf alması nəticəsində həlak olub.

“Washington Post” yazır ki, ABŞ kəşfiyyatı uzun illərdir ki, alimin işlədiyi Mərkəzin Suriyada kimyəvi silahlar hazırlanması proqramına bağlı olduğunu bildiriblər. İsrail hərbi təyyarələri isə son bir il ərzində ən azı 2 dəfə həmin Mərkəzin müəssisələrini hədəfə alıb.

Dəməşq iddia edir ki, Əsbarı İsrailin kəşfiyyat orqanı “Mossad” qətlə yetirib. Alim bundan əvvəl 2 sui-qəsd cəhdindən sağ çıxa bilib. “al-Watan” qəzeti isə yazıb ki, Əsbar Suriyanın müdafiə sistemləri üzrə olduqca vacib iş həyata keçirməsinə görə öldürülüb.

İsrail hökuməti isə Dəməşqin bu ittihamına şərh verməkdən imtina edib.

Lakin bu gün “New York Times” Yaxın Şərqdəki kəşfiyyat orqanının anonim rəsmisinə istinadən yazıb ki, suriyalı alimin qətlində həqiqətən də İsrail məsuliyyətlidir. Qəzetin verdiyi məlumata əsasən, Əsbar yüksək dəqiqlikli raketlərin hazırlanması üçün İranın Qüds xüsusi hərbi qoşunlarının komandanı, generalı Qasım Süleymani ilə əməkdaşlıq edib.

Leyla Elbrusqızı
AzVision.az