Yapon dənizində itkin düşən azərbaycanlılarla bağlı yeni məlumat
AzVision.az xəbər verir ki bu barədə “DV-Flot” MMC-nin sahibi Stanislav Malçevskiy bildirib.
Bundan əlavə Yapon dənizində yoxa çıxan “Vostok” (Şərq) gəmisi ilə bağlı yeni məlumat yayılıb. Məlumata əsasən, gəmi yoxa çıxmazdan iki saat əvvəl əlaqəyə çıxıb. Primorsk diyar Administrasiyasının yaydığı xəbərə görə, həmin vaxt qəza siqnalı verilməyib. Bu səbəbdən onların yeri hələ də müəyyən edilməyib.
Qeyd edək ki, Rusiyaya məxsus "Vostok" balıqçı gəmisi Yapon dənizinin Primorski vilayəti sahillərində yoxa çıxıb. Gəminin göyərtəsində 21 nəfər olub. İtkin düşən şəxslərdən ikisi Rusiya vətəndaşı olan azərbaycanlı matros Mübariz Hüseynov və Ruslan Əlizadədir.
Eldar Tanrıverdiyev
AzVision.az
Teqlər: Yapon Dəniz Gəmi Matros