Lider TV-dən yeni serial – FOTOLAR

Lider TV-dən yeni serial – FOTOLAR
  12 Sentyabr 2013    Oxunub:6956
Avqust ayında Lider televiziya və radiosunun sifarişi ilə “ProMix Production” şirkəti “Qanun naminə” seriyalının çəkilişlərinə başlayıb.
AzVision.az xəbər verir ki, “Qanun naminə” layihəsinin məqsədi tamaşaçıları XX əsrdə törədilmiş və Azərbaycanın Dövlət Təhlükəsizlik orqanları əməkdaşlarının peşəkarlığı sayəsində açılmış cinayətlərin tarixi ilə tanış etməkdir.

Filmin ilk 8 seriyası XX əsrin 30-60-cı illərində baş verən hadisələrə həsr edilib. Bu serial tamaşaçıya keçən əsrin atmosferini dərindən dərk etməyə və həmin dövrdə baş verən hadisələri hiss etməyə kömək edəcək. Onlar həmçinin bu film vasitəsilə iki müxtəlif dövrü müqayisə edə biləcəklər.

“Qanun naminə” ssenarisinin müəllifi yazıçı İsmayıl İmanov, operatoru Nadir Mehdiyev, rejissoru Xanlar Ağayev, bəstəkarı Rəşad Həşimovdur.

Filmdə tarixi xronika və sənədlərdən, həmçinin arxiv materiallarından istifadə olunur. Serial stereomusiqidən istifadə etməklə HD formatında çəkilir. Filmdə xalq artisti Rasim Balayev, Əbdülqəni Əliyev və başqa aktyorlar rol alıblar. “Qanun naminə” filminin ilk seriyaları bu ilin sonunda ekrana çıxacaq.

AzVision.az

Qalereya




Teqlər:  





Xəbər lenti


Azvision.az ©2014 | Bütün hüquqları qorunur