Şəhid qızı atasının məzarı üstə skripka çaldı - FOTOLAR

Şəhid qızı atasının məzarı üstə skripka çaldı - FOTOLAR
  02 Aprel 2017    Oxunub:39828
Bu gün aprel döyüşlərində şəhid olan pilotlarımız mayor Urfan Vəlizadə və mayor Təbriz Musazadənin il mərasimi keçirilib.

AzVision.az xəbər verir ki, anım mərasimində şəhidlərin hərbçi yoldaşları, ailə üzvləri, yaxınları iştirak ediblər.



Müdafiə nazirinin müavini - Hərbi Hava Qüvvələrinin Komandanı, general-leytenant Ramiz Tahirov və digər yüksək rütbəli zabitlər də şəhidlərin məzarını ziyarət edib, ailələrinə başsağlığı veriblər.



Şəhid pilot Urfan Vəlizadənin yoldaşı Könül Vəlizadə AzVision.az-a bildirib ki, geridə qalan bir il onlar üçün olduqca çətin keçib: “Urfansız çətindir. Onun üçün çox darıxıram”.



Könül xanım Urfan Vəlizadənin məzarını ziyarətə gələn hər kəsə təşəkkür edib: “Bura gələn hər kəsə təşəkkür edirəm. Bizi tək qoymadılar. Hərbçi yoldaşları şəhidləri daim diqqətdə saxlayır”.



Şəhidin qardaşı Vidadi Vəlizadə Müdafiə Nazirliyinin rəhbərliyinə təşəkkür edib.

Şəhid pilot Urfan Vəlizadənin qızı Zəhra Vəlizadə atasının məzarı başında skripkada ifa edib.













Anar Kəlbiyev
Foto: Elvin Abdulla
AzVision.az

Qalereya




Teqlər: Apreldöyüşü   Şəhid   Pilotlar  





Xəbər lenti


Azvision.az ©2014 | Bütün hüquqları qorunur