Telekanallarımız kosmosdan yayımlanacaq

Telekanallarımız kosmosdan yayımlanacaq
  27 Fevral 2013    Oxunub:1241
Apreldən Azərbaycan telekanallarının yayımı «Azerspace-1» peykinə keçiriləcək
Azərbaycanın ilk telekomunikasiya peyki «Azərspace-1»-in sınaqları hazırda uğurla davam etdirlir. Əvvəlcədən müəyyən edildiyi kimi sınaqlar peykin istehsalçısı Amerikanın Orbital Elmlər şirkəti tərəfindən həyata keçirilir. Prosesin yaxın vaxtlarda yekunlaşması planlaşdırlır. Martın 15-dən isə peykin fəaliyyəti bütünlüklə Azərbaycandakı əsas yerüstü idarəetmə mərkəzindən tənzimlənəcək.
Kosmik ölkələr sırasında gənc olmasına baxmayaraq artıq bir sıra dövlətlər Azərbaycanla bu sahədə əməkdaşlıq etmək niyyətində olduğunu açıqlayıb. İlk belə ölkələrdən biri isə Yaponiyadır. «Azərbaycan-Yaponiya kosmik sektor seminarı»-da elə bu məqsədə xidmət edir.
Yaponiyanın Azərbaycandakı səfiri Şusuke Vatanabe: "Azərbaycan insan resurslarına, əsasən də gənc nəslin inkişafına diqqət yetirməsi ilə seçilir. Dövlətiniz təbii ehtiyatlarla yanaşı, insan resursları ilə də zəngindir. Yaponiya hər zaman bu sahədə Azərbaycana dəstək olub və bu gələcəkdə davam etdiriləcək. Hazır ki, seminar isə əlaqələrimizi kosmik sahədə də inkişaf etdirməyə imkan verəcək. Yapon şirkətləri bu sahədə Azərbaycana sərmayə yatırmaq niyyətindədir."
Seminarda həmçinin vuruğlanıb ki, Asiya regionu iki amil ilə-texnoloji inkişaf və geniş bazarı ilə Azərbaycanı cəlb edir.


Teqlər:





Xəbər lenti