Noyabrın 8-də Azərbaycan-Ermənistan sərhədinin Qazax rayonu istiqamətində qoşunların təmas xəttini keçərkən saxlanılan və bu gün geri qaytarılan qoca erməni qadın Azərbaycana necə keçməsindən danışıb.
Virtualaz.org saytı erməni KİV-lərinə istinadən xəbər verir ki, Lusik Abovyan adlı həmin qadın İcevan xəstəxanasında onu müayinə edən həkimlərlə “dumanda azaraq Azərbaycan tərəfə keçdiyini” bildirib.
Erməni mənbələri Lusik Abovyanın özünü yaxşı hiss etdiyini və tibbi müayinədən keçdiyini xəbər verir. Erməni qadının təhvil verilməsi Beynəlxalq Qırmızı Xaç Komitəsinin vasitəçiliyi ilə baş tutub.
Ermənistan mətbuatı yazırdı ki, Lusik Abovyan noyabrın 8-də axşamtərəfi Azərbaycanla sərhəd Koti kəndində yaşayan bacısının evinə pendir dalınca gedib və geri qayıtmayıb. Onun bacısının evi sərhəddən 2 kilometrlikdə yerləşir.
Azərbaycana keçən erməni qadın: “Dumanda azmışdım...”
12 Noyabr 2015
Oxunub:2277
Teqlər:
Vaxtında, Aydın, Lazımlı!
-1708596417.jpg&h=200&w=200&zc=2&q=70)
