Kəlbəcər girovlar – Şahbaz Quliyev və Dilqəm Əsgərov qondarma “məhkəmə”nin qərarına etiraz olaraq “Apelyasiya Məhkəməsi”nə müraciət edib.
Bu barədə AzVision.az erməni KİV-nə istinadən xəbər verir.
Məlumatı girovlarımızın qondarma “vəkili” Arkadiy İsraelyanda təsdiqləyib.
Məlumatda həmçinin bildirilir ki, erməni girovluğunda olan Dilqəm Əsgərov və Şahbaz Quliyev qondarma “məhkəmə”nin qərarına etiraz edirlər və heç-bir qanunu pozmadıqlarını, yalnız ata-baba torpaqlarını ziyarət etdiklərini vurğulayıblar.
Xatırladaq ki, Kəlbəcərdə Ermənistan əsgərləri tərəfindən girov götürülmüş azərbaycanlılar Dilqəm Əsgərov və Şahbaz Quliyev üzərində qurulmuş “məhkəmə” prosesi yekunlaşıb. D. Əsgərova ömürlük həbs cəzası, Ş. Quliyev isə 22 il müddətinə azadlıqdan məhrum edilib.
Ötən ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər. Digər Azərbaycan vətəndaşı Həsən Həsənov isə güllələnərək öldürülüb.
Eldar Tanrıverdiyev
Kəlbəcər girovları `appellyasiya şikayəti` verdilər
29 Yanvar 2015
Oxunub:2936
Vaxtında, Aydın, Lazımlı!
-1708596417.jpg&h=200&w=200&zc=2&q=70)
