Bu gün günorta saatlarında Bakının Binəqədi rayonu ərazisində sərnişin avtobusunun iştirakı ilə yol qəzası baş verib.
Binəqədi Rayon Polis İdarəsi 5-ci polis bölməsindən verilən məlumata görə, 88 saylı sərnişin avtobusu ilə “Pajero” markalı minik avtomobili toqquşub.
Hadisə minik maşını dönərkən avtobusa çırpılması nəticəsində baş verib. Hadisə nəticəsində xəsarət alan olmasa da böyük həyəcan yaşanıb. Qəza zamanı minik maşınına ziyan dəyib.
Faktla bağlı araşdırma aparılır.
Xatırladaq ki, ötən il Bakıda baş vermiş yol qəzalarında ölən 313 nəfərdən 221-i kişi, 76-sı qadın, 16-sı uşaq, xəsarət almış 894 nəfərdən isə 570-i kişi, 258-i qadın, 66-sı uşaq olub. (Ans)
Bakıda sərnişin avtobusunda həyəcan
03 İyul 2015
Oxunub:2589
Vaxtında, Aydın, Lazımlı!
-1708596417.jpg&h=200&w=200&zc=2&q=70)
