200 xəzinədar xanımın taleyi necə oldu?
Qurum rəsmisi bildirib ki, keçmiş xəzinədarlar arasında demək olar ki, hamısı işlə təmin olunub. Onun sözlərinə görə, 70 nəfər imtahandan keçərək nəzarətçi işinə qəbul olunublar.
“Keçmiş xəzinədarların bəziləri fəhlə, xadimə, referent və digər işlərlə təmin olunublar. Onlar arasında bir neçəsi təqaüdə çıxıb. İşsiz qalanlar isə müvafiq imtahandan keçə bilməyən və ya təklif edilən işlə razılaşmayanlardır”-deyə N.Paşayev bildirib.
Qeyd edək ki, “Bakıkart” sisteminə keçidlə əlaqədar oktyabr ayının birindən etibarən metroda xəzinədar ştatı ləğv olunub.
Gültəkin Ələsgər
AzVision.az