Otelə silahlı hücum – 14 ölü, 20 yaralı

Otelə silahlı hücum – 14 ölü, 20 yaralı
  27 Fevral 2016    Oxunub:2154
Somalinin paytaxtı Moqadişoda terrorçuların otelə hücum etməsi nəticəsində ən azı 14 nəfər ölüb, daha 20 nəfər isə yaralanıb.
Bu barədə AzVision.az Rusiya KİV-nə istinadən xəbər verir.

Məlumata əsasən terrorçular `SYL` otelinə ötən gün axşam saatlarında daxil olublar. Yaraqlılardan biri otelin qarşısında bomba quraşdırılan avtomobili partladıb. Bundan sonra terrorçular otelə daxil ola biliblər.

İlkin məlumatlara görə, insident nəticəsində 14 nəfər ölüb, daha 20 nəfər yaralanıb. Ölənlərdən beşi terrorçudur.

Qeyd edək ki, `SYL` oteli paytaxt Moqodişoda prezident sarayı ilə üzbəüz yerləşir. Hücuma görə,`Əş-Şabab` qruplaşması məsuliyyəti öz üzərinə götürüb.

Eldar Tanrıverdiyev
AzVision.az


Teqlər:  



Xəbər lenti


Azvision.az ©2014 | Bütün hüquqları qorunur