Müğəninin ikinci dəfə populyarlıq qazanandan sonra gözdən itməsi maraq doğurur.

Tanınmış bəstəkar, əməkdar incəsənət xadimi Gövhər Həsənzadə Elnurun onunla əlaqə saxlamadığını söyləyib.

“Elnur mənimlə əlaqə saxlamır. Bilmirəm indi haradadır, nə işir görür. Bir müddət öncə türk şairə Ayşə Birgül Yılmazla əlaqə saxladım. O, Elnurun Türkiyənin məşhur “Enbe” orkestri ilə çalışdığını dedi”.

Daha sonra Ayşə Birgül Yılmaz ilə əlaqə saxlayıb, Elnurla maraqlandıq. Şairə xanım AzVision.az-a Elnur Hüseynovun Türkiyədə ev aldığını və Bakıdan birdəfəlik köçdüyünü bildirib.

“Bir müddət öncə Elnurla mesajlaşdıq. O, mənə zəng edəcəyini söylədi. Biz onunla şəhərin eyni istiqamətində yaşayırıq. O, əvvəlcə mənə dedi ki, “Avropa Music” şirkəti ilə çalışacaq, yeni albom hazırlayacaq. Sonra bildirdi ki, bütün mahnıları özü hazırlayacaq. Elnurdan baş açmaq olmur. O, evə qapanıb, öz üzərində işləmək istəmir. Elnur hazırda yeni evində yaşayır. Bizimlə də əlaqə saxlamır”.

Hafiz Əhmədov