AzVision.az xəbər verir ki, bunu Milli Məclisdə Azərbaycan Respublikasının 2015-ci il üçün büdcə layihəsinin müzakirəsi zamanı millət vəkili Aydın Mirzəzadə deyib. Onun sözlərinə görə, paytaxtda strateji obyektlər olduğundan bu qanunun qəbul olunması vacibdir:

“Bu qanunda paytaxtda tikinti sahəsində müəyyən normaların müəyyənləşdirilməsinin əks olunmasını məqsədəuyğundur. Bakının mərkəzində hündür mərtəbəli binaların inşası mərkəzdə sıxlığa səbəb olur. Şəhərin mərkəzi ilə bağlı qırmızı dairə müəyyənləşə bilər. Bu dairədə hündür mərtəbəli binaların inşası qadağan oluna bilər və ya mərkəzdə tikiləcək binaların sayı və mərtəbələrinin sayını göstərmək olar. Hesab edirəm ki, bizim bu sahədə təcrübəmiz var. Biz necə ki, İçərişəhəri qoruyuruq, şəhərin mərkəzi ilə bağlı belə addım ata bilərik”.

Bundan başqa, millət vəkili hesab edir ki, Bakıda avtodayanacaqların sayı artırılmalıdır. O şəhərin sıx olan yerlərində avtodayanacaqların inşası üçün vergi güzəştlərinin tətbiq olunmasını da təklif edib.

Anar Kəlbiyev