Zelenski: "ABŞ vitse-prezidenti Putinin hərəkətlərinə haqq qazandırır”

Zelenski: "ABŞ vitse-prezidenti Putinin hərəkətlərinə haqq qazandırır”
  14 Aprel 2025    Oxunub:935
"ABŞ-nin vitse-prezidenti Ceyma Devid Vens Rusiyanın Ukraynadakı əməllərinə bəraət qazandırır”.
AzVision.az xəbər verir ki, bunu Ukrayna prezidenti Volodimir Zelenski CBS telekanalına müsahibəsində deyib. O, amerikalı siyasətçiyə qarşı ciddi ittihamlar səsləndirib.

Blinken ABŞ-nin Zelenski ilə bağlı “sirr”ini açıb - VİDEO
“Mənə elə gəlir ki, vitse-prezident bir növ Putinin hərəkətlərinə haqq qazandırır”, -o qeyd edib.

Xatırladaq ki, Zelenski ABŞ-də olarkən Vensi Kiyevə gəlib hər şeyi öz gözləri ilə görməyi məsləhət bilmişdi. O, bu yaxınlarda ABŞ-nin vitse-prezidenti növbəti dəfə səfərə dəvət etdi. Lakin siyasətçi qarşı tərəfdən heç bir cavab almayıb.

Zelenski həmçinin Ağ Ev rəhbəri Donald Trampı da Ukraynaya dəvət edib. Ukrayna prezidenti əlavə edib ki, Tramp Kiyevə səfərindən sonra Rusiyanın Ukraynada nələr törətdiyini başa düşəcək.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.

Tural Tağıyev
AzVision.az



Teqlər:   ABŞ   Zelenski  





Xəbər lenti


Azvision.az ©2014 | Bütün hüquqları qorunur