Dərəyə aşan avtomobildən sürücü və sərnişin çıxarılıblar

Dərəyə aşan avtomobildən sürücü və sərnişin çıxarılıblar
  05 Aprel 2025    Oxunub:415
Fövqəladə Hallar Nazirliyinin "112" qaynar telefon xəttinə Bakı-Quba-Rusiya ödənişli avtomobil yolunun Xaçmaz rayonu, Qımılqışlaq kəndi ərazisindən keçən hissəsində yol-nəqliyyat qəzasının baş verməsi və vətəndaşların avtomobildə köməksiz vəziyyətdə qalmaları barədə məlumat daxil olub.
AzVision.az xəbər verir ki, məlumatla əlaqədar hadisə yerinə dərhal FHN-in Şimal Regional Mərkəzinin xilasediciləri cəlb edilib.

Hadisə yerində əməliyyat şəraiti qiymətləndirilərkən müəyyən olunub ki, "Mercedes" markalı minik avtomobili idarəetməni itirərək yol kənarındakı dərəyə aşıb və sürücü ilə sərnişin köməksiz vəziyyətdə qalıblar.

Xilasedicilər xüsusi vasitələrdən istifadə etməklə xəsarət alaraq köməksiz vəziyyətdə qalan sürücü 1969-cu il təvəllüdlü Ələsgərov İlham Yaqub oğlu və sərnişin 1983-cü il təvəllüdlü Şirinov Bəhruz Mikayıl oğlunu dərinliyi təxminən 12 metr olan dərədən çıxararaq təcili tibbi yardım briqadasına təhvil veriblər.

Hadisə ilə əlaqədar müvafiq qurumlar tərəfindən təhqiqat aparılır.

AzVision.az


Teqlər: FHN  





Xəbər lenti