Ceykobs: "Tramp sülh sazişinin imzalanmasını səbirsizliklə gözləyir"

      Ceykobs:    "Tramp sülh sazişinin imzalanmasını səbirsizliklə gözləyir"
  04 Aprel 2025    Oxunub:287
"Azərbayan və Ermənistan arasında sülh sazişi Cənubi Qafqazda yeni təhlükəsizlik və rifah mərhələsi açacaq".
"Reuters" xəbər agentliyinin məlumatına görə, bu sözləri ABŞ Dövlət Departamentinin Enerji Resursları üzrə Dövlət Bürosunun baş məsləhətçisi Erik Ceykobs Cənub Qaz Dəhlizi Məşvərət Şurasının iclasında dilə gətirib. O vurğulayıb ki, ABŞ Prezidenti Donald Tramp "sazişin tezliklə imzalanacağına ümidvardır".

Xatırladaq ki, martın 13-də Bakı və İrəvan arasında sülh sazişinin mətni üzrə danışıqlar yekunlaşıb. Tərəflər qalan iki məqam (üçüncü qüvvələrin sərhədyanı ərazilərdən çıxarılması və beynəlxalq məhkəmələrdə qarşılıqlı iddialardan imtina) üzrə razılığa gəliblər.

Firudin Həmidli
AzVision.az


Teqlər: ABŞ   Azərbaycan   Ermənistan   sülh-sazişi  





Xəbər lenti