AzVision.az xəbər verir ki, Ukrayna prezidentinin ofisinin rəhbəri Andrey Yermak ilə “uzun sürən və uğurlu” danışıqlardan sonra respublikaçı konqresmen Brayan Fitspatrik belə bəyanat səsləndirib.
“Biz qatarı 100% relslərə qaytarırıq. Mineralların hasilatı üzrə mənfəətin bölüşdürülməsi sazişi qısa zamanda imzalanacaq ki, bu da Birləşmiş Ştatlar və Ukrayna arasında güclü uzunmüddətli iqtisadi tərəfdaşlığa gətirib çıxaracaq. Bu müqavilənin imzalanması təbii ki, təhlükəsizlik yardımını təmin edəcək”, - amerikalı konqresmen vurğulayıb.
Lakin Fitspatrik imzalanmanın texniki baxımdan nə vaxt və necə baş tutacağını – Ukrayna hökumət heyətinin Vaşinqtona səfər edəcəyini, yoxsa sənədin distant şəkildə imzalanacağını dəqiqləşdirməyib.
Ukrayna prezidentinin ofisinin rəhbəri Andrey Yermak da, öz növbəsində, amerikalı konqresmenlə danışıqlar apardığını təsdiqləyib.
- Biz ədalətli dünyaya doğru hərəkəti və ABŞ ilə mineralların hasilatı sazişini müzakirə etdik. Bizə iki ölkə arasında iqtisadi tərəfdaşlıq lazımdır. Qarşılıqlı anlaşma var, biz dövlətlərimizin rəhbərlərinin qəbul etməli olduğu qərara doğru gedirik”, - Yermak deyib.
Qeyd edək ki, daha əvvəl sazişlə bağlı xəbərlərin anonsunu verən ABŞ prezidenti Donald Tramp martın 4-də axşam bu barədə Konqresə müraciətində danışacağını bildirib.
Sahil İsgəndərov
AzVision.az
Andrey Yermak Vaşinqtonla dil tapıb
04 Mart 2025
Oxunub:329
Ukrayna və ABŞ hökumətləri arasında yeraltı mineralların hasilatı barədə sazişin imzalanması ilə bağlı yeni razılaşma əldə olunub.
Teqlər: Fitspatrik Yermak minerallar
Vaxtında, Aydın, Lazımlı!
_2986571546_1493313741_1513770223.jpg&h=120&w=187&zc=1&q=70')
-1741002890.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
