"Azərbaycan Ermənistanla münasibətləri normallaşdırmağa hazırdır" - Nazir

  23 Sentyabr 2021    Oxunub :282
   "Azərbaycan Ermənistanla münasibətləri normallaşdırmağa hazırdır" -    Nazir
"Azərbaycan beynəlxalq hüquq prinsipləri əsasında qonşu dövlətlə münasibətləri normallaşdırmağa hazırdır".

Azvision.az xəbər verir ki, bunu Azərbaycanın xarici işlər naziri Ceyhun Bayramov finlandiyalı həmkarı Pekka Olavi Haavisto ilə görüşündə bildirib.
Nazir 44 günlük Vətən müharibəsi nəticəsində işğaldan azad olunmuş ərazilərimizdəki son vəziyyət, bu ərazilərdə Ermənistan tərəfindən məqsədli şəkildə törədilən geniş miqyaslı dağıntılar, tarixi -mədəni irsin məhv edilməsi, ətraf mühitə böyük zərərin vurulması, habelə mina təhlükəsi barədə danışıb eləcə də hazırda həyata keçirilən bərpa və yenidənqurma prosesi haqqında qarşı tərəfə ətraflı məlumat verib.

Azərbaycana qarşı onilliklər ərzində həyata keçirilən təcavüzkar siyasətə rəğmən, Azərbaycanın beynəlxalq hüquq prinsipləri əsasında qonşu dövlətlə münasibətləri normallaşdırmağa hazır olduğunu qeyd edib.

Azvision.az

Teqlər: Azərbaycan   Ermənistan  







Xəbər lenti