Bu gün sonuncu Qədr gecəsidir

  09 May 2021    Oxunub :1469
   Bu gün sonuncu Qədr gecəsidir
Bu gün Azərbaycanda sonuncu Qədr (Əhya) gecəsidir.
Azvision.az xəbər verir ki, sonuncu Qədr gecəsi Ramazanın 26-cı gününə, mayın 9-dan 10-na keçən gecəyə təsadüf edir.

İlk Qədr gecəsi Ramazanın 18-ci gününə, mayın 1-dən 2-nə keçən gecəyə, ikinci Qədr gecəsi Ramazanın 20-ci gününə, mayın 3-dən 4-nə keçən gecəyə, üçüncü Qədr gecəsi isə Ramazanın 22-ci gününə, mayın 5-dən 6-na keçən gecəyə təsadüf edib.

Qədr gecəsi "Quran"ın nazil olduğu gecədir. "Qurani-Kərim" İslam peyğəmbərinə 23 il ərzində hissə-hissə və Qədr gecəsində bütövlükdə nazil olub. Əhya gecələrində səhərə qədər oyaq qalıb ibadətlə məşğul olmaq böyük savab sayılır.

Koronavirus pandemiyası səbəbindən Qədr gecəsinin məscidlərdə keçirilməsi qadağan edilib.

Xatırladaq ki, bu il Azərbaycanda Ramazan ayı aprelin 14-də başlayıb. Şəvval ayının 1-i, yəni mayın 13-də Ramazan bayramı olacaq.

Azvision.az

Teqlər: Qədr-gecəsi