Daxili İşlər Nazirliyinin Mətbuat xidmətindən
Azvision.az -a verilən məlumata görə, narkotiklərin qanunsuz dövriyyəsində şübhəli bilinən Köhnə Corat qəsəbə sakini, əvvəllər məhkum olunmuş S.Ağayev Sumqayıt Şəhər Polis İdarəsinin 1-ci polis bölməsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində saxlanılıb. Axtarış zamanı ondan 10 qrama yaxın tiryək, 3 qrama yaxın metamfetamin və metadon aşkarlanıb.
Davam etdirilən tədbirlərlə onun həyətyanı sahəsindən kultivasiya yolu ilə yetişdirilmiş 61 çətənə kolu götürülüb.
Faktla bağlı araşdırmalar aparılır.
Azvision.az