Ermənistanda orta aylıq əməkhaqqı azalıb

  27 Fevral 2021    Oxunub : 1196
 Ermənistanda orta aylıq əməkhaqqı azalıb
Ermənistanda orta aylıq nominal əməkhaqqı azalıb.
Azvision.az xəbər verir ki, bu barədə ölkənin Statistika Komitəsi məlumat yayıb.

Qeyd edilib ki, 2021-ci ilin yanvar ayında 2020-ci ilin eyni dövrü ilə müqayisədə bu göstərici 3,8% azalıb. Hesabat dövründə Ermənistanda orta nominal əməkhaqqı 183 760 dram olub. Eyni zamanda, 2021-ci ilin yanvar ayında 2020-ci ilin dekabrı ilə müqayisədə bu göstərici 19,5% azalıb.

Dövlət və özəl sektorda da orta aylıq əməkhaqqı azalıb. Belə ki, 2021-ci ilin yanvarında, ötən ilin eyni dövrü ilə müqayisədə Ermənistanın dövlət sektorunda orta nominal əməkhaqqı 0,1% azalaraq 160 279 dram olub. Cari ilin yanvarında ötən il dekabr ayı ilə müqayisədə bu azalma 29,1% təşkil edib.

Özəl sektorda 2021-ci ilin yanvar ayında 2020-ci ilin eyni dövrü ilə müqayisədə orta nominal əməkhaqqı 5,4% azalaraq 194 873 dram təşkil edib. Eyni zamanda, 2021-ci ilin yanvar ayında 2020-ci ilin dekabrına nisbətən azalma 15% olub.

Pərvanə Sultanova
Azvision.az

Teqlər: Ermənistan   Əməkhaqqı