Ermənilər Akopyanın olduğu tədbiri tərk etdilər

Ermənilər Akopyanın olduğu tədbiri tərk etdilər
  26 Yanvar 2021    Oxunub:3129
Ermənistanın baş naziri Nikol Paşinyanın həyat yoldaşı Anna Akopyan Aram Xaçaturyan adına konsert salonuna gəldikdən sonra vətəndaşlar tədbiri tərk ediblər.

Azvision.az xəbər verir ki, bu barədə erməni KİV-ləri yazıb.
Məlumata görə, konsert salonunda Ermənistanın Dövlət Simfonik Orkestrinin 15 illiyi münasibətilə tədbir keçirilib. Anna Akopyan tədbirdə görünəndə məşhur erməni teleaparıcı Lika Tumanyan zalı tərk edib.

"Onunla eyni havadan nəfəs almağa, eyni yerdə olmağa məni heç nə vadar edə bilməz. Klassik musiqinin insanları birləşdirdiyi hamıya məlum olsa da, bu, məni belə qadınla eyni salonda olmağa məcbur edə bilməz", - deyə erməni aparıcı bildirib.

Ermənistan mediası vətəndaşların da Akopyana görə konsert salonunu tərk etdiklərini yazıb.

Qeyd olunub ki, Rusiyadan qayıdan Paşinyan ailəsi ölkədəki vəziyyətə baxmayaraq, əylənməyə davam edirlər. Akopyan konsert salonuna qızları ilə birgə gəlib.

Pərvanə Sultanova
Azvision.az


Teqlər: AnnaAkopyan  





Xəbər lenti