"Parlaq Ermənistan" fraksiyası parlamentin iclasını boykot etdi

  22 Yanvar 2021    Oxunub : 1764
 "Parlaq Ermənistan" fraksiyası parlamentin iclasını boykot etdi
"Parlaq Ermənistan" fraksiyası bu gün parlamentin növbədənkənar iclasında Ali Məhkəmə Şurası üzvlərinin seçkisini boykot edib.
Azvision.az xəbər verir ki, fraksiya üzvləri keçmiş hərbi prokuror Qaqik Cangiryanın namizədliyinin müzakirəsi başlayanda iclas salonunu tərk ediblər.

Deputat Taron Simonyanın sözlərinə görə, onlar əvvəlcə müxalifətin məhkəmə və hüquqi islahatlardakı roluna məhəl qoyulmadığını söyləyiblər. Hətta Ali Məhkəmə Şurasının üzvlüyünə müxalifətdən bir namizəd irəli sürmək cəhdlərinə hakim "Mənim addımım" bloku tərəfindən imkan verilməyib.

"Bu gün yenidən müxalifətlə müzakirələr aparmadan namizədlər irəli sürülüb. Təbii ki, bu cür davranışlara dözə bilmərik və bu prosesdə iştirak etmirik".

Fraksiya qərarı siyasi adlandırıb.

Xatırladaq ki, bu gün Ermənistan parlamenti növbədənkənar iclasda Qaqik Cangiryan və Armen Xaçaturyanın Ali Məhkəmə Şurası üzvlüyünə namizədliyini nəzərdən keçirir.

Pərvanə Sultanova
Azvision.az

Teqlər: Ermənistan   Parlament   Boykot