Separatçı Abrahamyan Ermənistanı Almaniya ilə səhv salır
“Həmin ölkələr nəinki dirçələ biliblər, üstəlik onların onilliklər ərzində yalnız ölkə daxilində deyil, həm də regional, geosiyasi vəziyyəti kökündən dəyişdirməsi halları çoxdur. Mübarizəmizi yarımçıq qoymağa haqqımız yoxdur. Yeri gəlmişkən, mübarizə siyasi, daxili proseslər və ya məkrlər demək deyil. Qeyd etdiyim mübarizə geniş anlamda başa düşülməlidir. Erməninin varlığını qorumaq, erməninin beşikdə yaşamasını təmin etmək üçün mübarizə aparılmalıdır. Bunlara olan təhdid bu gün çox böyükdür”.
Abrahamyan tarixdən nümunə çəkərkən, çox güman ki, ilk növbədə Almaniyanı nəzərdə tutur. O, almanların ikinci dünya müharibəsindən ağır məğlubiyyətlə ayrılmasından sonra, tez bir zamanda dirçələrək nəinki daxili vəziyyəti düzəltməsini, həm də qitədə geosiyasi vəziyyətə belə nəzarət imkanlarına malik olmasını nümunə göstərməyə çalışır. Amma dar düşüncəli Abrahamyan onu unudub ki, almanlar məğlubiyyətdən sonra faşizm ideologiyası, işğalçılıq siyasətinə kökündən son qoyublar. Erməni xalqı, erməni cəmiyyəti isə diz çökməsinə rəğmən hələ də qisasçılıq ruhundadır, israrla faşizm ideologiyasını, qonşu torpaqlara iddialarını davam etdirəcəklərini bildirirlər.
Tural Tağıyev
Azvision.az
Teqlər: Abrahamyan Məğlub Ermənistan