Azvision.az xəbər verir ki, Balasanyan Paşinyana Şuşanı müdafiə edəcəyinə söz verdiyini desə də, sonradan hansısa gizli əl onu əraziyə buraxmayıb:

"25, ya da 26 oktyabrda Vitali Balasanyan İrəvanda Paşinyanla görüşdü. Bu görüş hər kəsə qəribə gəldi. Çünki Balasanyan Nikol Paşinyanı kəskin tənqid edənlərdən biridir. Vitali Paşinyandan cəbhədə ən ağır istiqamətin hara olmasını soruşdu. Paşinyan isə Şuşa cavabını verib. Balasanyan, "Mənə Şuşanın müdafiəsini tapşırın, əgər bacarmasam, Vitali şəhəri qoruya bilmədi, xain çıxdı deyərsiz”.

Vanetsyan deyib ki, məlum görüşdən dərhal sonra Vitali Balasanyan silahdaşlarını “Artsax”a (Qarabağ-red.) gəlməyə və mübarizəyə qoşulmağa çağırıb. Lakin Qarabağda Balasanyanın Şuşanın müdafiəsinə qoşulmasına icazə verilməyib:

"Balasanyan son günə qədər Şuşanın müdafiəsində iştirak etmədi, "Artsax"da (Qarabağ-red) ona belə bir təlimat almadıqlarını söylədilər. Sual yaranır, niyə Balasanyanın Şuşanı müdafiə etməsinə icazə verilmədi? ”

Tural Tağıyev
Azvision.az