İsrail səfirindən Arturla bağlı təsirli paylaşım: “Vədimə əməl edə bilmədim”

 İsrail səfirindən Arturla bağlı təsirli paylaşım:  “Vədimə əməl edə bilmədim”
  16 Noyabr 2020    Oxunub:9812
Bir neçə gün əvvəl Bakıdakı rus pravoslav kilsəsinə getdim. Artur üçün dua etdim və şam yandırdım.
Azvision.az xəbər verir ki, bunu İsrailin Azərbaycandakı səfiri Corc Dik “Twitter” hesabında yazıb.

“Verdiyim vədə əməl etmədiyim üçün bağışlanmamı dilədim. Ruhun şad olsun, Artur. Qoy bu bölgənin uşaqları daha dinc gələcək yaşasınlar”.

Səfir bildirib ki, bir neçə həftə əvvəl Gəncə şəhərini raket zərbəsindən sonra ziyarət edib.

“Yaşayış sahələrindəki ziyana baxmaq üçün getdim. Bir çox yerli sakin kədərli hekayələrini paylaşaraq mənimlə danışmağa gəldi. Sonra təxminən 12 yaşında bir gənc oğlan yaxınlaşdı.

İsraildə yaxşı həkimlər olduğunu eşitdi və onların xəstəxanada olan dostunu xilas edə biləcəyini soruşdu. Xalası mənə şəkillər göstərdi, gözlərində yaş var idi: "Bombardman nəticəsində yaralandı, xəstəxanada komadadır, yaxşı uşaqdır, xahiş edirəm, ona kömək göstərin”.

Mən dərindən kədərləndim, Artura kömək edəcəyimə söz verdim. Oğlanın adını yazıb götürdük. Artur Mayakov idi. Nə edə biləcəyimizi götür-qoy etdik. Ancaq vədimi tuta bilmədim. İki gün sonra Artur aldığı xəsarətlərdən öldü. 13 yaşında idi. Ürəyim parçalandı. İsrailin Azərbaycandakı səfiriyəm. 12 ildir diplomatam. Mən ümumiyyətlə vədlərimi yerinə yetirirəm, amma bu vədə əməl edə bilmədim".

Pərvanə Sultanova
Azvision.az


Teqlər: CorcDik   İsrail   Səfir  





Xəbər lenti