Fransa XİN-dən Moskva görüşünə münasibət
“Fransa, Ermənistan və Azərbaycan arasında humanitar atəşkəs elan edilməsini alqışlayır. İndi bu, iki ölkə arasında hərbi əməliyyatların daimi dayandırılmasına şərait yaratmaq üçün ciddi şəkildə yerinə yetirilməlidir. Fransa əvvəlki kimi bu məsələdə töhfə verməyə hazırdır".
Bundan əlavə, Fransa XİN tərəfləri heç bir şərt olmadan ATƏT-in Minsk Qrupu həmsədrlərinin vasitəçiliyi ilə “substantiv danışıqları” bərpa etməyə çağırıb.
Qeyd edək ki, Moskvada Rusiya, Azərbaycan və Ermənistan xarici işlər nazirləri Sergey Lavrov, Ceyhun Bayramov və Zöhrab Mnatsakanyanın üçtərəfli görüşünün nəticəsi olaraq bu gündən humanitar məqsədlərlə atəşkəs elan olunub. Atəşkəs rejiminin konkret parametrləri əlavə olaraq razılaşdırılacaq.
Pərvanə Sultanova
Azvision.az