“Prezident seçildiyimə görə bütün dostlarımı itirdim” - Tramp

  18 Sentyabr 2020    Oxunub : 3578
“Prezident seçildiyimə görə bütün dostlarımı itirdim” -  Tramp
ABŞ lideri Donald Tramp prezident seçildiyi üçün bütün dostlarını itirdiyini etiraf edib.

Azvision.az "RİA Novosti"yə istinadən xəbər verir ki, bu barədə Tramp seçiciləri ilə görüşdə deyib. O bildirib ki, indi dostlarının yerini konqres üzvləri tutub.
"Bu posta görə bütün dostlarımı itirdim. Biz birlikdə şam edirdik, restoranlara gedirdik, möhtəşəm söhbətlərimiz olurdu".

ABŞ Prezidenti dostları ilə yeyib-içə bilməməsindən şikayətlənib. O, eyni zamanda spirtli içki qəbul etmədiyini söyləyib.

“Gözlənilmədən mən ABŞ-ın prezidenti oldum. İndi isə onlar mənə zəng edəndə: “Cənab Prezident, cənab, nə vaxtsa görüşmək istərdinizmi?”. Deyirəm: “Rahat ol, məni Donald çağır, 30 ildir məni tanıyırsan", “Çox sağ olun, cənab prezident”,- deyən Tramp əlavə edib ki, indi dostlarını əvəz edən konqres üzvlərinə güvənməlidir.

Şahanə Rəhimli
Azvision.az

Teqlər: Tramp   ABŞ