İstehlak məhsullarının qiymətləri açıqlandı

  10 Avqust 2020    Oxunub : 1559
İstehlak məhsullarının qiymətləri açıqlandı
İyun ayında Bakı şəhəri üzrə istehlak qiymətləri indeksi may ayı ilə müqayisədə 99,6 faiz, 2020-ci ilin yanvar-iyun aylarında əvvəlki ilin müvafiq dövrü ilə müqayisədə isə 102,6 faiz təşkil edib.
Azvision.az Bakı Şəhər Statistika İdarəsinə istinadən xəbər verir ki, cari ilin iyununda ərzaq məhsulları, içkilər və tütün məmulatları üzrə istehlak qiymətləri indeksi may ayı ilə müqayisədə 98,5 faiz, 2020-ci ilin yanvar-iyun aylarında əvvəlki ilin müvafiq dövrü ilə müqayisədə isə 104,9 faiz olub.

İyunda qeyri-ərzaq məhsulları üzrə istehlak qiymətləri indeksi may ayına ilə müqayisədə 99,8 faiz, 2020-ci ilin yanvar-iyun aylarında əvvəlki ilin müvafiq dövrü ilə müqayisədə isə 100,9 faiz təşkil edib.

Hesabat dövründə əhaliyə göstərilmiş ödənişli xidmətlər üzrə istehlak qiymətləri indeksi may ayı ilə müqayisədə 100,8 faiz, 2020-ci ilin yanvar-iyun aylarında əvvəlki ilin müvafiq dövrü ilə müqayisədə isə 101,1 faiz olub.

Azvision.az

Teqlər: