Cüdo üzrə ölkə birinciliyinin qalibləri məlum olub

  28 Fevral 2019    Oxunub : 1580
Cüdo üzrə ölkə birinciliyinin qalibləri məlum olub
İki gündür Bakı İdman Sarayında keçirilən cüdo üzrə gənclər arasında Azərbaycan birinciliyi başa çatıb. 51 klubu təmsil edən 276 cüdoçunun mübarizə apardığı yarışın son günü daha 8 çəki dərəcəsində qalib müəyyənləşib.
Azvision.az xəbər verir ki, gənc qızlar arasında Şəfəq Həmidova (48 kq, “Atilla” İK), Zəhra Akkus (57 kq, “Judo Club 2012”), Nərmin Abdullayeva (70 kq, “Judo Club 2012”), Aytəkin Paşazadə (+78 kq, Zərdab) Azərbaycan çempionu adına sahib olub.

Oğlanların mübarizəsində isə Rövşən Əliyev (60 kq, “Gömrükçü” İK), Paşa Əliyev (73 kq, “Atilla” İK), Zelim Tckayev (90 kq, “Neftçi” İK) və İmran Yusifov (+100 kq yuxarı, “Qəbələ” İK) bütün rəqiblərinə qalib gələrək ölkə çempionu adına layiq görülüblər.
Komanda hesabında birinci yeri “Atilla” İdman Klubunun təmsilçiləri tutublar. İkinci və üçüncü yerlərdə “Neftçi” və “Judo Club 2012” idman klublarının komandaları qərarlaşıblar.

Birinciliyin qalib və mükafatçılarına diplom, kubok və hədiyyələr təqdim edilib.

Azvision.az

Teqlər: Cüdo