Güləşçilərimiz İranda yarışacaq

  05 Fevral 2019    Oxunub : 1126
Güləşçilərimiz İranda yarışacaq
Fevralın 7-8-də İranın paytaxtı Tehranda sərbəst güləş üzrə "Təxti kuboku" keçiriləcək.
Azərbaycan Güləş Federasiyasından Azvision.az -a verilən məlumata görə, yığmamız baş məşqçi Saypulla Absaidov, böyük məşqçi Zəlimxan Hüseynov və məşqçi Arif Abdullayevin rəhbərliyi altında 2019-cu ildə ilk sınağına çıxacaq. Qonşu ölkədə Pərviz İbrahimov (57 kq), Əhmədnəbi Qvarzatilov, Mircəlal Həsənzadə (hər ikisi 61 kq), Əli Rəhimzadə (65 kq), Ağahüseyn Mustafayev (70 kq), Hacımurad Hacıyev (74 kq), Cəbrayıl Həsənov (79 kq), Murad Süleymanov, Məhəmmədhacı Xatiyev (hər ikisi 86 kq), Şərif Şərifov, Şamil Zubairov (hər ikisi 92 kq) və Nurməhəmməd Hacıyev (97 kq) mübarizə aparacaq.

Qeyd edək ki, ənənəvi yarışda III dərəcəli beynəlxalq hakim Babək Allahverdiyev ədaləti qoruyacaq.

Azvision.az

Teqlər: Güləş   İran