Qeyd olunur ki, Lukaşenko bundan əvvəl 25 dekabrda Putinlə görüşərək ikitərəfli münasibətlərdəki “cansıxıcı” məsələləri – enerji qiymətlərini və Rusiyanın vergi qanunvericiliyində ediləcək dəyişiklikləri müzakirə etmişdilər. Lakin o zaman mövqeləri yaxınlaşdırmaq alınmamışdı. Nəticədə, tərəflər “təxirəsalınmaz qərarların qəbulunu tələb edən” məsələlər üzrə yeni ilədək daha bir görüş keçirmək qərarına gəldilər.

“Moskvada hər iki ölkənin prezidentləri Belarus-Rusiya əməkdaşlığının aktual məsələləri üzrə 25 dekabrda Kremldəki müxtəlif formatlı görüşlərdə ətraflı müzakirə apardıqları danışıqları davam etdirəcəklər” – bəyanatda deyilir.

Ekspertlərə görə, Ermənistanın baş naziri səlahiyyətlərinin icraçısı Nikol Paşinyanı qəbul etdikdən sonra Putinin Lukaşenkonu yenidən yanına çağırması həm də KTMT baş katibi ətrafında İrəvanla Minskin diplomatik müharibəsi ilə əlaqədar yekun qərara gəlinməsilə bağlıdır.

Leyla Elbrusqızı
Azvision.az