Serj Sarkisyanın ofisinə basqın ediləcək

 Serj Sarkisyanın ofisinə basqın ediləcək
  06 Dekabr 2018    Oxunub:4675
Ermənistanda keçiriləcək 9 dekabr növbədənkənar parlament seçkiləri günü, eləcə də seçkilərdən öncə - 7 və 8 dekabrda hakimiyyət sabiq prezident Serj Sarkisyanın sədrlik etdiyi Respublikaçılar partiyasının qərargahına basqın edəcək.
Azvision.az xəbər verir ki, bu barədə Ermənistanın “168 saat” qəzeti etibarlı mənbələrinə istinadən yazıb. Bildirilir ki, Nikol Paşinyanın əmrlərini icra edən güc strukturlarının Respublikaçıların qərargahına qəfil basqını üçün əsas (seçkilərdə səslərin rüşvətlə alınacağına dair polisə edilən “zənglər”) var.



“İrəvandakı hakimiyyətin bu addımının başlıca məqsədi seçkiqabağı anti-təbliğat, qorxu atmosferinin gücləndirilməsi və müxalif partiyaların qərargahlarında işlərin iflic edilməsidir. Mənbəmiz istisna etməyib ki, qərargahla yanaşı, Respublikaçıların Melik Aramyan 2 ünvanında yerləşən mərkəzi ofisi də basqın hədəfinə çevriləcək” – qəzet yazıb.

Həmçinin qeyd olunur ki, əgər konkret “zənglər” və “şikayətlər” varsa, polisin basqın üçün məhz seçki gününü gözləməsi bütün bunların sadəcə Paşinyanın ucuz şousu olduğunu və ölkənin əsas müxalif partiyasının qələbəsindən ehtiyatlandığını sübut edir.

Leyla Elbrusqızı
Azvision.az



Teqlər: Ermənistan   Seçki  





Xəbər lenti