Tramp ilk dəfə Əfqanıstana gedəcək
“Lazımi vaxtda mən bunu (Əfqanıstana getməyi) edəcəyəm. Bu, Milad bayramınadək (İsa məsihin doğulması münasibətilə katoliklərin hər il 25 dekabrda keçirdiyi bayram) ola bilər” – Tramp bildirib.
Qeyd edək ki, bu, prezident Trampın Əfqanıstana ilk səfəri olacaq.
Xatırladaq ki, ABŞ 2001-ci ilin okotyabrından etibarən “Əl-Qaidə” və “Taliban”la mübarizə adı altında Əfqanıstanda anti-terror hərbi əməliyyatlarına başlayıb. Daha sonra BMT Təhlükəsizlik Şurasının qətnaməsinə uyğun olaraq Əfqanıstanda təhlükəsizliyi təmin emək üçün ölkədə NATO-nun komandanlığı altında beynəlxalq missiya (ISAF) öz işinə başlayıb. ABŞ-ın başçılığı ilə koalisiya və ISAF Əfqanıstandakı “Taliban” silahlı hərəkatı və “Əl-Qaidə” terror təşkilatı ilə mübarizə aparır. 2014- cü ildə NATOölkələrinin hərbi kontingenti Əfqanıstandan çıxarılıb və 2015-ci ilin 1 yanvarından etibarən hərbi əməliyyatlar qeyri-hərbi “Qətiyyətli dəstək” misiyası ilə əvəzlənib.
Əfqanıstanda 17 il sürən müharibələrə 720 milyard dollara yaxın pul xərcləyən ABŞ indiyədək Əfqanıstanda 2400-dən çox hərbçisini itirib.
Leyla Elbrusqızı
Azvision.az
Teqlər: Əfqanıstan ABŞ