ABŞ “Minuteman III” ballistik raketini sınaqdan keçirdi

  08 Noyabr 2018    Oxunub : 1744
ABŞ “Minuteman III” ballistik raketini sınaqdan keçirdi
ABŞ “Minuteman III” qitələrarası ballistik raketini növbəti dəfə sınaqdan keçirib.

Azvision.az “CBS Los Angeles” ə istinadən xəbər verir ki, ballistik raket 5 noyabr axşamı Kaliforniya ştatının cənubundakı Vandenberq hərbi-hava bazasından buraxılıb. Raketin döyüş başlığı ilə təchiz olunmadığı bildirilib.
Qeyd olunub ki, “Minuteman III” qitələrarası ballistik raketinin bu dəfəki sınağı da uğurla keçib və raket nəzərdə tutulan hədəfi vurub.

Xatırladaq ki, bu il “Minuteman III” raketinin havaya ilk uğurlu buraxılışı apreldə baş tutub. “Minuteman III” hazırda ABŞ Silahlı Qüvvələrinin ixtiyarında olan yer tipli yeganə qitələrarası ballistik raketdir. Vaşinqton 450 ədəd “Minuteman III” raketlərinə sahibdir.

Leyla Elbrusqızı
Azvision.az

Teqlər: ABŞ  







Azvision.az ©2014 | Bütün hüquqları qorunur