AŞPA-dan Paşinyana seçki xəbərdarlığı
“Biz Ermənistanda növbədənkənar seçkilərin keçirilməsinə dair çağırışları başa düşürük, amma bu seçkilərin keçirilməsi zamanı Ermənistan hökumətini və bütün siyasi qüvvələri Avropa norma və standartlarına tam şəkildə riayət təmin etməyə çağırırıq. Seçkilərə hazırlıq üçün Ermənistandakı bütün siyasi qüvvələrin kifayət qədər vaxta malik olması vacibdir”, – deyə Levoçkina vurğulayıb.
AŞPA nümayəndəsi onu da bildirib ki, Ermənistanda Seçki Məcəlləsinə istənilən dəyişiklik Venesiya komissiyasının təlimatlarına tamamilə uyğun gəlməlidir. Bu səbəbdən də, AŞPA Ermənistanda növbədənkənar seçkilər və mümkün konstitusiya islahatlarının həyata keçirilməsi üçün tələsməməyi məsləhət görüb.
Erməni KİV-ləri AŞPA-nın bu bəyanatını Ermənistan baş naziri Nikol Paşinyana xəbərdarlıq kimi qiymətləndirib.
Leyla Elbrusqızı
AzVision.az
Teqlər: Ermənistan AŞPA