Etimad İsmayılovu öldürən iş adamı: "Qorxudan silah çəkdim"
AzVision.az Türkiyə mətbuatına istinadən xəbər verir ki, Dəmirov qətlin pul üstündə baş verdiyini etiraf edib.
Dəmirovun 4 milyonluq tələbi qəbul olunmayıb. Nəticədə aralarında mübahisə düşüb. Təhqirə məruz qaldığını iddia edən Dəmirov üzərində gəzdirdiyi silahla İsmayılovun baş və ürək nahiyəsinə atəş açaraq hadisə yerindən uzaqlaşıb.
İsmayılov xəstəxanaya çatdırılsa da, onun həyatını xilas etmək mümkün olmayıb. İstanbul polisinin keçirdiyi xüsusi əməliyyat nəticəsində qətldə şübhəli bilinən Dəmirov 3 saatdan sonra sürücüsü ilə birlikdə saxlanılaraq istintaq orqanlarına təhvil verilib.
"Görüşmək üçün ofisinə getdim. Orada məni təhdid edib, üzərinə hücum çəkdi. Mən də qorxub silaha əl atdım", - deyə saxlanılan iş adamı ifadəsində bildirib.
Qeyd edək ki, qətlə yetirilən iş adamı Etimad İsmayılov sabiq deputat, Ədalət partiyasının sədri İlyas İsmayılovun oğlu, tanınmış jurnalist Sevil Nuriyevanın həyat yoldaşıdır.
AzVision.az
Teqlər: Etimad-İsmayılov