Kişilər də məişət zorakılığına məruz qalır - Aylıq statistika
Bunu AzVision.az-a açıqlamasında Ailə, Qadın və Uşaq məsələləri üzrə Dövlət Komitəsinin İnformasiya və analitik araşdırmalar şöbəsinin baş məsləhətçisi Aynur Veysəlova deyib.
"Məişət zorakılığı Məlumat Bankına yığılan məlumatları daim təhlil edirik. Bu məlumatlar əsasında monitorinq qrupları qabaqlayıcı və profilaktik işlər həyata keçirirlər. Daxil olan məlumatlar əsasında ya qısa müddətli, ya da uzun müddətli mühafizə orderi tətbiq olunur. Məişət zorakılığı ilə bağlı Məlumat Bankına daha çox qadınlarla bağlı müraciət olur. İkinci yerdə uşaqlar, üçüncü yerdə kişilərdir".
A.Veysalova, həmçinin vurğulayıb ki, məişət zorakılığı ilə bağlı verilən orderlərini sayı ildən-ilə artır. "2013-2014-cü illərdə cəmi 4 mühafizə orderi tətbiq olunmuşdsa, bu gün onların sayı 20-ə çatır. İnsanlar artıq bilirlər ki, zorakılığa davam edilsə, onları hansı cəzalar gözləyir. Nəticədə bəzi ailələrdə zorakılığın dərinləşməsi baş vermir".
Aytən Zəhra
AzVision.az