Hələ iki gün yağış yağacaq

  08 Avqust 2013    Oxunub : 476
Hələ iki gün yağış yağacaq
Sərin və yağışlı hava şəraiti davam edəcək
Ekologiya və Təbii Sərvətlər Nazirliyindən AzVision.az-a verilən məlumata görə, sabah Bakıda və Abşeron yarımadasında avqustun 9-da havanın dəyişkən buludlu keçəcəyi, arabir tutulacağı gözlənilir.

Gün ərzində qısamüddətli yağış yağacağı ehtimal olunur. Mülayim şimal küləyi əsəcək. Havanın temperaturu gecə 18-23, gündüz 25-30 dərəcə isti olacaq.

Rayonlarda avqustun 9-da şimşək çaxacaq, əsasən gecə saatlarında yağış yağacaq. Bəzi ərazilərdə leysan xarakterli yağış yağacağı ehtimal olunur. Aran rayonlarında havanın temperaturu gecə 18-23, gündüz 27-32 dərəcə, dağlıq ərazilərdə gecə 8-13, gündüz 18-23 dərəcə isti olacaq.

Qeyri-sabit hava şəraiti avqustun 10-u gündüzə qədər davam edəcək.

Teqlər: