Azərbaycanlı Rusiyanın dünya çempionunu “çuşka” sözünə görə öldürüb - FOTOLAR

Azərbaycanlı Rusiyanın dünya çempionunu “çuşka” sözünə görə öldürüb - FOTOLAR
  21 Avqust 2017    Oxunub:82605
Xəbər verdiyimiz kimi, ötən gün azərbaycan əsilli Rusiya vətəndaşı 1992-ci il təvəllüdlü Anar Allahverənov pauerliftinq üzrə dünya çempionu Andrey Draçovu döyərək öldürüb.

Xabarovsk şəhərində baş verən hadisədə təqsirli bilinən A.Allahverənovun saxlanıldığı bildirilsə də, sonrada məlumat rəsmi qurumlar tərəfindən təkzib olunub. Hazırda onun axtarışlarının davam etdirildiyi bildirilib.
AzVision.az hadisə ilə bağlı yeni məlumatlar əldə edib. Qaydasız döyüş idman növü ilə məşğul A.Allahverənovun yaxınları əməkdaşımıza bildiriblər ki, idmançılar arasında dava “çuşka” sözünün üstündə düşüb:

“Anar idmanla məşğul olsa da, sadə oğlandır. O, istəməzdi ki, belə hadisə olsun. Bildiyimizə görə Andrey Anara sataşıb, ona “çuşka” deyib. Aralarında mübahisə düşüb. Andrey nalayiq sözlər işlədib. Bundan sonra dava başlayıb. Anarın onu öldürmək niyyəti olmayıb. Sadəcə çox əsəbiləşib, hisslərini cilovlaya bilməyib. Biz indiyədək Anarın haqsız yerə kiminləsə dalaşdığını görməmişik. O, bütün günü idmanla məşğul olurdu. Dəfələrlə yarışlarda yüksək nəticələr göstərib”.



Azərbaycanın Cənub zonasından olan Anarın ailəsi uzun illərdir Rusiyada yaşayır. Onun Yaşar adlı qardaşı törətdiyi bir cinayətə görə həbs edilib.






























Hafiz Əhmədov
AzVision.az


Teqlər: Rusiya   Dava   Çempion  





Xəbər lenti


Azvision.az ©2014 | Bütün hüquqları qorunur