Bu gün səhər saatlarında Bakı Metropolitenində qatarların hərəkətində problem yaranıb.
"Bakı Metropoliteni"nin mətbuat xidmətinin rəhbəri Bəxtiyar Məmmədov
AzVision.az-a bildirib ki, "Dərnəgül" stansiyasında "Həzi Aslanov-Dərnəgül" xəttinin avtomatik idarəetmə sistemində problem qeydə alınıb.
Onun sözlərinə görə, nəticədə qatarlar stansiyalara əllə idarəetmə hesabına qəbul edilib: "Buna görə də qatarların bir qismi "Memar Əcəmi", bir qismi isə "Azadlıq prospekti" stansiyasindan geri qaytarılıb və sərnişinlər düşürülüblər. Yalnız bəzi qatarlar "Dərnəgül" stansiyasına qədər hərəkət edib. Saat 09:21-də həmin problem tam aradan qaldırılıb".
AzVision.az