Mətbuat Muzeyinin yaradılması təklif olunur
Mədəniyyət komitəsinin sədri Rafael Hüseynov təklifi dəstəkləyərək bildirib ki, sözügedən muzeydə ayrı-ayrı mətbuat nümunələri deyil, Azərbaycan jurnalistikasının təmsilçiləri və mətbuat tariximiz təbliğ edilməlidir.
“Azərbaycanda ana dilli mətbuatın tarixi “Əkinçi” qəzeti ilə başlayır. Lakin Azərbaycan mətbuatının tarixi 1830-cu ildə Tiflisdə çıxan Azərabaycan nəşrləri ilə başlanıb. Bu baxımdan düşünürəm ki, Mətbuat Muzeyi XIX əsrin əvvəllərindən bu günə qədər keçən yolu əks etdirməlidir”
Komitə sədri qeyd edib ki, yaxın vaxtlarda ölkədə fəaliyyət göstərən media, TV və radio rəhbərlərinin iştirakı ilə böyük müşavirə keçirmək planlaşdırılır: “Müşavirədə mətbuatda dilin qorunması, müəlliflik hüquqları ilə bağlı, mətbuatımızın xarici medialarla əməkdaşlığı kimi vacib məsələləri müzakirə edəcəyik”.
Anar Kəlbiyev
AzVision.az